النهاردة الصبح .. طلعت شمس تانية
شمس وعدت حلمنا ماتغبشى ثانية
شمس حامية .. شمس حانية...شمس بتضم الشوارع والموانى
شمس ليها طعم تانى
بالأمانى مِـدفيانى
طمنت قلبى إللى قاسى
إنه مش هيقاسى تانى
فجرت فيَّا الحماسة
والإرادة والتفانى
علمت قلبى ف ثوانى
إنه رغم الحزن عاش !!
وإن رغم سنين طويلة من حياتى ماعشتهاش
لسه عمرى منتهاش !!!
لسه بفرح لما أشوف شمس النهار
وإنى برضه رغم طول الانتظار
لسه قادر أبتدى
لسه قادر أصحى من نومى الطويل
واغسل الوِش اللى صدّى
يمكن العمر إللى عدّى ألحقه
يمكن العمر إللى باقى أسبقه
يمكن الحلم إللى نفسى أحققه
يتولد تانى النهاردة من جديد
يمكن الوهم إللى نفسى أصدقه
لو ف آخر يوم ف عمر
يقدر إنه يخلىّ قلبى
يبتسم ويموت سعيد ...♥♥♥
الأحد أبريل 08, 2012 11:45 pm
اخجلتينى 
